Administrert Nettverk

Eit stabilt og sikkert nettverk
– utan at bedrifta må drifte det sjølv

Eit godt nettverk skal først og fremst fungere. Med Administrert Nettverk frå Sognenett tek me ansvar for nettverksløysinga i bedrifta – frå utstyr og oppsett til overvaking, sikkerheit og vedlikehald.

Me leverer og eig nettverksutstyret, held det oppdatert og følgjer med på at løysinga fungerer som ho skal. Bedrifta slepp store investeringar i utstyr og får eit profesjonelt nettverk som blir teke vare på over tid.

Når det er behov for hjelp, er lokal kompetanse lett tilgjengeleg frå folk som kjenner både løysinga og infrastrukturen.

Ta kontakt for ein uforplikande prat

Eit nettverk bedrifta slepp å tenkje på

Nettverket er ein viktig del av den digitale grunnmuren i ei bedrift. PC-ar, telefonar, møterom, skrivarar, kamera og andre einingar er avhengige av eit stabilt og sikkert nett for å fungere.

Med Administrert Nettverk tek Sognenett ansvar for denne delen av IT-kvardagen.

Me sørgjer for eit ryddig og profesjonelt oppsett, overvakar nettverksutstyret og held programvare og sikkerheit oppdatert. Dersom utstyr me eig blir defekt, sørgjer me for utskifting.

Det gir verksemda mindre å administrere, betre kontroll og ein meir føreseieleg kvardag.

Ta kontakt for å lære meir om tenesta
Kvifor meir enn ein ruter?
Nettverkssikkerheit
WiFi og dekning

  • Bedrifta får ein profesjonell FortiGate bedriftsbrannmur med moderne sikkerheitsfunksjonar. Brannmuren overvakar trafikken inn og ut av nettverket og bidreg til å beskytte mot kjende digitale truslar, skadelege nettsider, botnett og uønskt trafikk.

  • Me leverer og administrerer Zyxel-switchar og trådlause aksesspunkt tilpassa lokala og behovet til bedrifta. Det gir eit stabilt nettverk og god trådlaus dekning der nettet skal brukast.

  • Nettverket blir som standard delt inn i fire separate soner for brukarar, gjester, IoT og teknisk utstyr. Det hindrar at til dømes gjester, kamera, ladestasjonar og anna tilkopla utstyr får unødvendig tilgang til same nett som PC-ar, serverar og andre arbeidsverktøy. Dersom ei eining blir kompromittert, bidreg oppdelinga til å avgrense kva ho kan få tilgang til.

  • Me overvakar nettverksutstyret og sørgjer for nødvendige firmware- og sikkerheitsoppdateringar. Det bidreg til at utstyret og sikkerheitsfunksjonane held seg oppdaterte over tid, utan at bedrifta må administrere dette sjølv.

  • Oppsettet av nettverksutstyret blir sikkerheitskopiert, slik at løysinga raskare kan gjenopprettast dersom noko skulle skje.

  • Sognenett eig nettverksutstyret som inngår i tenesta. Dersom brannmur, switchar eller trådlause aksesspunkt blir defekte, tek me ansvar for feilsøking og naudsynt utskifting.

  • Når verksemda treng hjelp, får ho kontakt med folk som kjenner løysinga og infrastrukturen. Kundeservice i arbeidstida er inkludert, og utvida vaktordning 24/7 kan leverast som tillegg.

Dette får bedrifta med administrert Nettverk

Tryggare med separate nettverk

Eit moderne bedriftsnettverk bør ikkje ha alle einingar samla på same nett.

Med Administrert Nettverk deler me derfor nettverket inn i ulike soner. Tilsette og arbeidsutstyr kan vere på eitt nett, gjester på eit anna, medan kamera, skrivarar, møteromssystem og anna tilkopla utstyr kan haldast separat.

Dette gir betre kontroll og reduserer risikoen for at ei uønskt hending i éin del av nettverket påverkar resten av verksemda.

Standardløysinga omfattar eigne soner for:

  • Brukarar – PC-ar, telefonar, serverar og anna arbeidsutstyr

  • Gjester – internettilgang skilt frå bedriftsnettet

  • IoT og støtteutstyr – til dømes skrivarar, kamera, møteromssystem og ladestasjonar

  • Teknisk utstyr – utstyret Sognenett administrerer

  • Det er ikkje noko problem. Når me etablerer Administrert Nettverk, byter me ut eksisterande brannmur, switchar og trådlause aksesspunkt med standardisert utstyr som Sognenett eig og administrerer.

    PC-ar, telefonar, serverar, skrivarar og anna utstyr bedrifta brukar i dag, blir verande. Me sørgjer for at einingane blir flytta trygt over til det nye nettverket.

    Som standard deler me nettverket inn i fire separate soner for brukarar, gjester, IoT og teknisk utstyr. Det gir betre kontroll over kva ulike einingar har tilgang til, og reduserer risikoen for at ei hending i éin del av nettverket påverkar resten.

  • Administrert Nettverk blir bygd på standardisert utstyr som Sognenett eig, driftar og administrerer.

    Løysinga omfattar FortiGate bedriftsbrannmur, administrerte Zyxel-switchar og trådlause aksesspunkt, tilpassa storleiken og behovet til bedrifta.

    FortiGate-brannmuren har moderne sikkerheitsfunksjonar som bidreg til å beskytte nettverket mot kjende digitale truslar, skadelege nettsider, botnett og uønskt trafikk. Me sørgjer også for firmware- og sikkerheitsoppdateringar, overvaking og backup av konfigurasjonen.

    Bedrifta slepp dermed store investeringar i nettverksutstyr. Administrert Nettverk blir levert med avtalt bindingstid, normalt mellom 3 og 6 år.

  • Sognenett eig og administrerer nettverksutstyret som inngår i tenesta. Dersom ein FortiGate-brannmur, Zyxel-switch eller eit trådlaust aksesspunkt blir defekt, tek me ansvar for feilsøking og nødvendig utskifting.

    Bedrifta slepp dermed å handtere garantiar eller investere i nytt utstyr dersom noko sluttar å fungere.

  • Ja. Har bedrifta fleire kontor, bygg eller avdelingar, kan me kople lokasjonane saman slik at dei fungerer som ein del av ei sikker og heilskapleg nettverksløysing.

    Avhengig av behov og infrastruktur kan dette løysast med til dømes VLAN-transport over fibernettet til Sognenett, trådlaus bru eller site-to-site VPN.

    Det er også mogleg å etablere fjernaksess-VPN for sikker tilgang til bedriftsnettet frå heimekontor eller på reise, til dømes dersom verksemda har lokale serverar eller interne system.

korleis fungerer administrert nettverk i praksis?

Kontakt oss for meir informasjon

For meir informasjon eller for å kome i gang med Administrert IT, kontakt vårt salsteam på telefon 4821 88 88 eller e-post post@sognenett-it.no.  

Kontakpersonar