Telia og TV 2 er samde om ny samarbeidsavtale
Pressemelding frå Telia:
Telia og TV 2 er samde om ein ny langsiktig samarbeidsavtale for TV 2 sine kanalar og innhald. Avtalen sikrar Telia sine TV-kundar enkel tilgang til alt TV 2-innhald, og inkluderer både TV 2 sine kanalar og straumetenesta TV 2 Play.
– Me er nøgde med å ha landa ein ny og langsiktig avtale med TV 2, og me er glade for at me kan halde fram med å gi kundane våre marknadens breiaste TV-tilbod på Telia Play, seier Morten Karlsen Sørby, fungerande administrerande direktør i Telia Noreg.
Samarbeidsavtalen sikrar nærare éin million norske TV-sjåarar tilgang til heile innhaldsuniverset til TV 2, med nyheiter, underhaldning og sport i lang tid framover.
– Avtalen sikrar valfridom, mangfald og moglegheita til å sjå endå meir kvalitetsinnhald på Noregs mest moderne TV-plattform – når kundane sjølve vil, kvar dei vil og på kva skjerm dei vil.
Også TV 2-sjefen er nøgd med den nye avtalen.
– Det er kostbart å produsera norsk kvalitetsinnhald, og det har aldri vore vanskelegare å finansiera journalistikken. TV 2 sine konkurrentar er først og fremst dei globale teknologigigantane og sosiale medie-plattformene. Med Telia som ein langsiktig samarbeidspartnar på laget, står me styrka i kampen for å løfta fram norsk innhald, sport og samfunnsviktig journalistikk.
Etter fire månader utan avtale mellom TV 2 og Telia, betyr dagens semje at ein halv million husstandar får tilgang til TV 2 sine kanalar igjen. Dette skjer akkurat i tide til sommarens fotball-EM for kvinner og årets «Tour de France».
– Som allmennkringkastar er det avgjerande å nå breitt ut med kanalane og TV 2 Play, slik at store delar av innhaldet vårt kan opplevast som allemannseige. Det var ei føresetnad for nye forhandlingar, og eg er glad for at me no har klart å bli samde om ein avtale som òg er økonomisk berekraftig for begge partar, seier Sandnes.
Disney+ vil bli inkludert i TV 2 Play Favoritt
I tillegg til TV 2 sitt eige, norskspråklege kvalitetsinnhald innan underhaldning, nyheiter og sport, vil den nye avtalen frå hausten av sikre at Telia sine kundar kan få inkludert Disney+ i TV 2 Play Favoritt ved bruk av sine TV-poeng – på lik linje med andre straumetenester i Telia Play.
Dei lineære TV 2-kanalane er allereie tilgjengelege, men på grunn av teknisk kompleksitet vil det ta noko lengre tid før TV 2 Play er tilgjengeleg i Telia Play. Alle Telia sine kundar vil behalde sine ekstra TV-poeng og annan kompensasjon ut juli månad.
Lurer du på kva dette betyr for deg, eller treng hjelp til å setje opp kanalane dine? Ta kontakt med oss i Sognenett – me hjelper deg gjerne!
-
DescripDesse kanalane er allereie tilgjengelege i Telia Play frå 1. juli:
TV 2 Direkte – kanalplass 3
TV 2 Nyheiter – kanalplass 10
TV 2 Zebra – kanalplass 4
TV 2 Livsstil – kanalplass 12
TV 2 Sport 1 – kanalplass 14
TV 2 Sport 2 – kanalplass 15tion text goes here
-
Du treng ikkje gjere noko – du finn TV 2-kanalane på dei same kanalplassane som før:
TV 2 Direkte – kanalplass 3
TV 2 Nyheiter – kanalplass 10
TV 2 Zebra – kanalplass 4
TV 2 Livsstil – kanalplass 12
TV 2 Sport 1 – kanalplass 14
TV 2 Sport 2 – kanalplass 15
-
På grunn av teknisk kompleksitet tek det noko tid å få dette på plass på ein god og brukarvennleg måte. Me jobbar med saka og sørgjer for at du får tilgang til TV 2 Play Basis med reklame i løpet av juli.
Hugs at kompensasjonen som gjaldt frå 1. mars, òg vil gjelde ut juli – sjølv om dei lineære TV 2-kanalane allereie er tilgjengelege frå 1. juli.
-
Du beheld kompensasjonen ut juli.
-
Då kan du seia det opp når du har fått tilgang til TV 2 Play Basis med reklame via Telia Play. Merk at det berre er denne versjonen av tenesta som blir tilgjengeleg i Telia Play – og det skjer i løpet av juli.
Det tek litt tid å få TV 2 Play integrert på ein god og brukarvennleg måte, på grunn av teknisk kompleksitet. Telia jobbar med saka og sørgjer for at du får tilgang så snart som mogleg.